Ноокат шаардык кеңешинин «Ноокат шаарынын аймагындагы Ноокат РС ОСТО (СТКУ) мекемесине генерал-майор Султанов Шерикбай Ганыевичтин атын берүү жөнүндө» токтому

НООКАТ ШААРДЫК КЕӉЕШИ ТОКТОМ Депутаттардын Ноокат шаардык кеңешинин (IV–шайланган) кезексиз III сессиясынын заседаниеси

2013-жылдын 20-июну № III-4 Ноокат шаарынын аймагындагы Ноокат РС ОСТО (СТКУ) мекемесине генерал-майор Султанов Шерикбай Ганыевичтин атын берүү жөнүндө Ноокат шаарынын аймагындагы Ноокат РС ОСТО мекемесине Кыргыз Республикасынын армиясында көп жылдар бою эмгек сиңирип келе жаткан генерал-майор Султанов Шерикбай Ганыевичтин атын коюу боюнча Ноокат РС ОСТО (СТКУ) жамаатынын 2012-жылдын 29-октябрындагы №2 протоколун карап чыгып жана талкуулап, Кыргыз Республикасынын “Кыргыз Республикасындагы географиялык аталыштар” жөнүндөгү Мыйзамына өзгөртүүлөр киргизүү жөнүндөгү 2008-жылдын 21-июлундагы №159 Мыйзамынын жана Кыргыз Республикасынын өкмөтүнүн 2008-жылдын 19-августундагы №467-токтому менен бекитилген “Кыргыз Республикасындагы географиялык обьекттердин атын атоо, атын өзгөртүү, географиялык аталыштарды эсепке жана каттоого алуунун тартиби жөнүндөгү” жобонун негизинде депутаттардын Ноокат шаардык кеңеши ТОКТОМ КЫЛАТ:

1. Ноокат шаарынын аймагындагы Ноокат РС ОСТО (СТКУ) мекемесине Кыргыз Республикасынын армиясында къп жылдар эмгек сиңирип келе жаткан генерал-майор Султанов Шерикбай Ганыевичтин атын коюу боюнча Ноокат РС ОСТО (СТКУ) жамаатынын 2012-жылдын 29-октябрындагы №2 протоколу канааттандырылсын жана Ноокат шаарынын аймагындагы Ноокат РС ОСТО (СТКУ) мекемесине Кыргыз Республикасынын армиясында къп жылдар бою эмгек сиңирип келе жаткан генерал-майор Султанов Шерикбай Ганыевичтин аты коюлсун.

2. Токтомдун аткарылышын көзөмөлдөө Депутаттардын Ноокат шаардык кеңешинин алдындагы мыйзамдуулукту сактоо, депутаттык этика, коомдук уюмдар, дин иштери боюнча туруктуу комиссиясына тапшырылсын.

Ноокат шаардык кеңешинин төрагасы

А. Гафаров