НАРЫН ОБЛУСУНУН НАРЫН ШААРЫНЫН ЖАНА АТ-БАШЫ РАЙОНУНУН КОМЕНДАНТУРАСЫНЫН «Өзгөчө абал режими киргизилген Нарын облусунун Нарын шаарынын жана Ат-Башы районунун аймагында жарандардын коопсуздугун, ден-соолугун жана өмүрүнө коркунучтун алдын алуу ошондой эле калктын социалдык-экономикалык абалын жакшыртуу боюнча кошумча чаралар жөнүндө” БУЙРУГУ

НАРЫН ОБЛУСУНУН НАРЫН ШААРЫНЫН ЖАНА АТ-БАШЫ РАЙОНУНУН КОМЕНДАНТУРАСЫНЫН БУЙРУГУ

2020-жылдын 16-апрели № 17 “Өзгөчө абал режими киргизилген Нарын облусунун Нарын шаарынын жана Ат-Башы районунун аймагында жарандардын коопсуздугун, ден-соолугун жана өмүрүнө коркунучтун алдын алуу ошондой эле калктын социалдык-экономикалык абалын жакшыртуу боюнча кошумча чаралар жөнүндө” Кыргыз Республикасынын Конституциясынын 64-беренесинин 9-бөлүмүнүн 2-пунктуна ылайык ошондой эле Кыргыз Республикасынын “Өзгөчө абалдар жөнүндө” Конституциялык Мыйзамынын 3-4-7-беренелерине жана Кыргыз Республикасынын Президентинин 14.04.2020-жылдагы №72-Жарлыгына ылайык, Нарын облусунун Нарын шаарынын жана Ат-Башы райондорунун аймагында жарандардын өмүрү жана ден-соолугун, коопсуздугун, коомдук тартипти камсыз кылуу ошондой эле “Таажывирус” инфекциясынын Нарын облусунун башка аймактарына таралышына жол бербөө максатында БУЙРУК КЫЛАМ:

1. Экономикалык кылмыштарга каршы күрөшүү боюнча мамлекеттик кызматынын Нарын облусу боюнча башкармалыгы (Финполиция) жана Мамлекеттик салык кызматынын Нарын шаардык жана Ат-Башы райондук башкармалыктарынын начальниктери: өз ыйгарым укуктарынын чегинде өзгөчө абал жана коменданттык саат киргизилген Нарын облусунун Нарын шаарынын жана Ат-Башы районунун аймагындагы бардык мамлекеттик жана жеке менчик ири жана чакан соода түйүндөрүндө спирт ичимдиктеринин сатылышына тыюу салынсын.

2. Нарын облусунун Нарын шаарынын жана Ат-Башы районунун аймагына кирип келе жаткан азык-түлүк продуктылары, дары-дармек, курулуш материалдары, айыл-чарба, жазгы айдап себүү өнөктүгүнө зарыл болгон үрөн жана башка калктын социалдык-экономикалык абалына таасир этүүчү күнүмдүк жашоого зарыл азык-заттарды буюмдарды ташыган жана саткан жеке менчик ишканалардын, соода түйүндөрүнүн ишмердүүлүгүнө эч кандай тоскоолдуктар жана текшерүүлөр убактылуу уюштурулбасын.

3. Нарын район аралык жана Ат-Башы районунун санитардык-эпидемиологиялык көзөмөлдөө борборлорунун начальниктерине: Нарын

облусунун Нарын шаарынын жана Ат-Башы районунун аймагындагы көчөлөрдү, коомдук жайларды, мекеме-ишканалардын административдик имараттарын, соода-базар комплекстерин, вирустук инфекция аныкталган адамдар жашаган аймактар, көчөлөр мүмкүн болушунча тез-тез дезинфекцияланып турсун.

4. Нарын аймактык ветеринардык дарт аныктоо борборунун начальнигине: Нарын шаарынын жана Ат-Башы районунун аймагындагы мал жандыктары бар жарандардын малдары жаздын алды менен жакынкы жайлоолорго көчүрүлүп жаткандыктан, аларга тез арада көмөк көрсөтүлүп малдарды ветврачтар тарабынан эмдөө жүргүзүлгөндөн кийин кана жайлоолорго уруксат берилип, өткөрүлсүн.

5. Нарын шаарынын мэри (Н.Молдокадыров) жана Ат-Башы районунун акими (Н.Сатаров): Нарын шаарынын жана Ат-Башы районунун аймагында жарандардын ыңгайына карап дары-дармек жана азык-түлүк саткан жылып жүрүүчү соода дүкөндөрү уюштурулсун. Нарын шаарынын жана Ат-Башы районунун жашоочуларынын өзгөчө абал режими учурунда күнүмдүк жашоодогу көйгөйлөрүн ыкчам чечүү боюнча Штабдары жана жарандардан түшкөн суроо-талаптарды суткасына 24 саат кабыл алуучу кабыл алуучу “ишеним телефондору” (Горячяя линия) уюштурулсун. Чечилген маселелер боюнча күнүгө эртең менен саат 07:00гө жана кечинде саат 17:00гө Нарын облусунун Нарын шаары жаан Ат-Башы районунун комендатурасынын Ыкчам штабына (03522) 5-09-13 жана №18 иш бөлмөгө берилип турсун.

6. ӨКМдин Нарын облусу боюнча башкармалыгынын жана Ат-Башы районундагы №957-Жол тейлөө мекемесинин начальниктерине: Нарын шаарынын аймагында коменданттык саат киргизилгенден кийин көчөдө себепсиз жүргөн жана коменданттык сааттын шарттарын бузган автоунааларды убактылуу кармоо үчүн ӨКМдин башкармалыгынын РТС аймагындагы базасына киргизилсин. Ал эми Ат-Башы районунун аймагындагы автоунаалар Ат-Башы РИИБдин жана Ат-Башы айылындагы №957- жол тейлөө ишканасынын короосуна киргизилсин.

7. Кыргыз Республикасынын Улуттук банкынын Нарын шаарындагы филиалынын, жеке менчик башка банктардын жана Ат-Башы районундагы менчиктин бардык түрүндөгү банктардын жетекчилерине: Жарандардын айлык маянасын, пенсия жана пособияларды үзгүлтүксүз банкоматтардан алып туруусуна шарт түзүп, Ат-Башы районунун алыскы айылдарына карточка аркылуу айлык, пенсия жана пособия алган жарандарга жылып жүрүүчү автоунаадагы банкоматтарды уюштурсун. Банкоматтарда акча банкноттору ар дайым болуусун камсыз кылышсын.

8. Буйруктун пункттарындагы ар бир талаптардын аткарылышы боюнча жоопкерчилик жогорудагы мекеме-ишкана уюмдардын биринчи жетекчилерине түздөн-түз жүктөлөт. Ал эми аткарылган иштер боюнча маалымат Нарын облусунун Нарын шаары жана Ат-Башы районунун комендатурасынын Ыкчам штабына (03522) 5-09-13 факсына жана shtabuvdnaryn@gmail.com электрондук дарегине жиберилсин.

9. Буйруктун талаптарынын аткарлышына көзөмөл жүргүзүүнү өзүмө калтырам.

Нарын облусунун Нарын шаары жана Ат-Башы районунун коменданты милициянын полковниги

У.К. Аалиев