# Өзгөн шаардык кеңешинин 2021-жылдын 27-мартындагы № 30/4 "Кыргыз Республикасынын Жергиликтүү өз алдынча башкарууларынын Союзу менен кызматташууну күчөтүү тууралуу" токтому - Полное наименование: Өзгөн шаардык кеңешинин 2021-жылдын 27-мартындагы № 30/4 "Кыргыз Республикасынын Жергиликтүү өз алдынча башкарууларынын Союзу менен кызматташууну күчөтүү тууралуу" токтому - Вид акта: Постановление - Номер: 30/4 - Дата принятия: 27.03.2021 - Статус: Действует - Редакция от: 27.03.2021 - Язык текста: кыргызский - Страница на aqlex: - Официальный источник: > Текст приведён по редакции от 27.03.2021 по данным официального источника. Это не юридическая консультация: для юридически значимых действий сверяйтесь с официальной публикацией. > > Как ссылаться: Өзгөн шаардык кеңешинин 2021-жылдын 27-мартындагы № 30/4 "Кыргыз Республикасынын Жергиликтүү өз алдынча башкарууларынын Союзу менен кызматташууну күчөтүү тууралуу" токтому (ред. от 27.03.2021) - https://aqlex.ai/kg/doc/135471 --- ӨЗГӨН ШААРДЫК КЕҢЕШИ ТОКТОМ Өзгөн шаардык кеңешинин (VI чакырылышынын) кезектеги XXX сессиясы 2021-жылдын 27-марты № 30/4 Кыргыз Республикасынын Жергиликтүү өз алдынча башкарууларынын Союзу менен кызматташууну күчөтүү тууралуу Өзгөн шаардык кеңешинин (VI чакырылышынын) кезектеги XXX сессиясынын отуруму «Мыйзамдуулук, регламент, депутаттык мандат, депутаттык этика, укуктук маселелер, мамлекеттик мекемелер жана коомдук уюмдар менен иштөө боюнча» туруктуу комиссиясынын 2021-жылдын 24-мартындагы №5 протоколунун, Кыргыз Республикасынын жергиликтүү өз алдынча башкарууларынын Союзу (мындан ары-КРЖӨБ Союзу) менен кызматташтыкты күчөтүү жана анын тийиштүү мүчөлүк акыларын убагында төлөө тууралуу билдирүүсүн угуп жана талкуулап, Өзгөн шаардык кеңеши Кыргыз Республикасынын Президентинин 1996-жылдын 24-октябрындагы №309 жарлыгына жана Кыргыз Республикасынын “Жергиликтүү өз алдынча башкаруу жөнүндө” мыйзамынын 13-беренесине ылайык КРЖӨБ Союзунун мүчөсү болуп эсептелгендиктен, ТОКТОМ КЫЛАТ: 1. Өзгөн шаардык кеңеши жана Өзгөн шаардык мэриясы Кыргыз Республикасынын мыйзамдарында, КР ЖӨБ Союзунун Уставында белгиленген тартипте кызматташууну күчөтүү жана мындан ары өркүндөтүү боюнча иш аракеттерди жүргүзсүн. 2. Өзгөн шаардык мэриясына КР ЖӨБ Союзу менен тараптардын ар биринин милдеттерин камтыган келишимди иштеп чыгып, кол коюу жагы тапшырылсын. 3. Өзгөн шаардык мэриясына жогорудагы ченемдик укуктук актылардын негизинде КР ЖӨБ Союзуна мүчө болгондуктан анын Уставынын 3.7. пунктуна ылайык ар бир жылдын биринчи кварталында шаардын калкынын санынын өсүшүнө жараша ар бир жашоочуга 1 сомдон кем эмес өлчөмдөгү мүчөлүк акыны жергиликтүү бюджеттин эсебинен КР ЖӨБ Союзунун эсептик счетуна которуп берүүгө уруксат берилсин. 4. Токтомдун аткарылышын көзөмөл кылуу Өзгөн шаардык кеңешинин «Мыйзамдуулук, регламент, депутаттык мандат, депутаттык этика, укуктук маселелер, мамлекеттик мекемелер жана коомдук уюмдар менен иштөө боюнча» туруктуу комиссиясына тапшырылсын. Төраганын милдетин убактылуу аткаруучу А.Шаробидинов