Каныш-Кыя айылдык кеңешинин «Кыргыз Республикасынын Жергиликтүү өз алдынча башкаруу ларынын Союзу менен кызматташууну күчөтүү тууралуу» токтому

КАНЫШ-КЫЯ АЙЫЛДЫК КЕҢЕШИ ТОКТОМ Каныш-Кыя айылдык кеңешинин VI-чакырылышынын кезектеги XXXII -сессиясы 2021-жылдын 9-апрели № 41 Кыргыз Республикасынын Жергиликтүү өз алдынча башкаруу ларынын Союзу менен кызматташууну күчөтүү тууралуу Каныш-Кыя айылдык Кеңешинин финансы, экономика жана бюджет боюнча туруктуу комисиясынын Кыргыз Республикасынын жергиликтүү өз алдынча башкарууларынын Союзу менен кызматташтыкты күчөтүү жана анан тийиштүү мүчөлүк акыларын убагында төлөө туралуу билдирүүсүн угуп жана талкуулап Каныш-Кыя айылдык Кеңеши Кыргыз Республикасынын Президентинин 1996-жылдын 24-октябрындагы №309 Жарлыгына жана Кыргыз Республикасынын “Жергиликтүү өз алдынча башкаруу жөнүндө” Мыйзамынын 13-беренесине ылайык КР ЖӨБ Союзунун мүчөсү болуп эсептелгендиктен,

ТОКТОМ КЫЛАТ:

1. Каныш-Кыя айылдык Кеңеши жана Каныш-Кыя айыл өкмөтү Кыргыз Республикасынын мыйзамдарында, КР ЖӨБ Союзунун Уставында белгиленген тартипте кызматташууну күчөтүү жана мындан ары өркүндөтүү боюнча иш аракеттерди жүргүзсүн.

2. Каныш-Кыя айыл өкмөтүнө КР ЖӨБ Союзу менен тараптардын ар биринин милдеттерин камтыган келишимди иштеп чыгып, кол коюу жагы тапшырылсын.

3. Каныш-Кыя айыл өкмөтүнө жогорудагы ченемдик укуктук актылардын негизинде КР ЖӨБ Союзуна мүчө болгондуктан анын Уставынын 3,7,пунктуна ылайык ар бир жылдын биринчи кварталында айыл аймактын калкынын санынын өсүшүнө жараша ар бир жашоочуга 1 сомдон кем эмес өлчөмүндөгү мүчөлүк акыны жергиликтүү бюджеттин эсебинен КР ЖӨБ Союзунун эсептик счетуна 10 000 (он миң) сом акча каражаты которулуп берилсин.

4. Бул токтом Кыргыз Республикасынын “Кыргыз Республикасынын ченемдик укуктук актылары жөнүндө”Мыйзамына ылайык Чаткал райондук мамлекеттик администрациясынын расмий www.chatkal.kg маалымат сайтына жарыялансын.

5. Бул токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Каныш-Кыя айылдык Кеңешинин жооптуу катчысына милдеттендирилсин.

6. Бул токтомдун аткарылышын көзөмөлдөө жагы финансы, экономика жана бюджет комитетине тапшырылсын.

Каныш-Кыя айылдык кеңешинин төрагасы:

Ж.Бегалиев