Ак-Суу айылдык кенешинин “Ак-Суу айыл аймагынын учурдагы чек арасындагы жер фондусун инвентаризациялоонун жыйынтыгын кароо жөнүндө” токтому

АК-СУУ АЙЫЛДЫК КЕҢЕШИ ТОКТОМ Ак-Суу айыл аймагынын айылдык кеңешинин VII-чакырылышынын XIV –сессиясы 2019-жылдын 10-июну № 3/2 “Ак-Суу айыл аймагынын учурдагы чек арасындагы жер фондусун инвентаризациялоонун жыйынтыгын кароо жөнүндө” Кыргыз Республикасынын Өкмөтүнүн 03.03.2014-жылдагы “Кыргыз Республикасынын жер фондусунун инвентаризациялоо жөнүндөгү” №114 токтомунун негизинде, Кыргыз Республикасынын айыл-чарба, тамак-аш жана мелиорация министрлигинин “Кыргыз мамлекеттик жер долборлоо” институтуна караштуу Жалал-Абад областык жерге жайгаштыруу экспедиция тарабынан аткарылган Ак-Суу айыл аймагынын жер фондусун инвентаризациялоо маселелерин угуп жана талкуулап, Ак-Суу айылдык кеңеши: ТОКТОМ КЫЛАТ:

1. Кыргыз Республикасынын Өкмөтүнүн 03.03.2014-жылдагы “Кыргыз Республикасынын Жер фондусун инвентаризациялоо жөнүндөгү” №114 токтомунун негизинде Жалал-Абад областык жерге жайгаштыруу экспедициясынын адистери тарабынан жүргүзүлгөн Ак-Суу айыл аймагынын жер фондусун инвентаризация иштеринин жыйынтыгы жактырылсын. (Тиркеме эске алынсын).

2. Аксы райондук мамлекеттик администрациясынын алдында түзүлгөн комиссия курамынан Ак-Суу айыл аймагынын жер балансын ушул токтомдун негизинде кабыл алып, токтом чыгарып берүү жагы суралсын.

3. Ак-Суу айыл аймагынын айылдык Кеңешинин ушул токтому, Ак-Суу айыл аймагынын айыл Өкмөтүнүн www.aksuu.biz. kg расмий веб-сайтына жарыялансын.

4. Аталган токтомду расмий жарыялоо жана КРнын ченемдик укуктук актыларынын мамлекеттик реестрине киргизүү жагы жооптуу катчы С.Мамытовго жүктөлсүн.

5. Бул токтомдун аткарылышын көзөмөлдөөнү өзүмө калтырамын.

Төрага:

С.Барпиев